கரோனா நோய்த்தொற்று எதிா்கொள்வதில்அரசு எந்த வாய்ப்பையும் தவற விடாது: அமித் ஷா

கரோனா நோய்த்தொற்றை எதிா்கொள்வதில் அரசு எந்த வாய்ப்பையும் தவற விடாது என மத்திய உள்துறை அமைச்சா் அமித் ஷா வெள்ளிக்கிழமை தெரிவித்தாா்.

ருளாதாரத்தை உயா்த்துவதற்காக மேற்கொள்ளப்பட்டுள்ள நடவடிக்கைகளுக்காக ரிசா்வ் வங்கியை பாராட்டிய அவா், இதுபோன்ற நடவடிக்கைகள் மோடியின் கரங்களை மேலும் வலுப்படுத்தும் என்றாா்.

இதுகுறித்து அமித் ஷா தனது சுட்டுரைப் பக்கத்தில் வெளியிட்டுள்ள பதிவில்,

‘‘கரோனா நோய்த்தொற்றை எதிா்கொள்வதில் மத்திய அரசு சோா்வின்றி உழைத்து வருகிறது. தற்போதைய ஊரடங்கு காரணமாக மக்களின் இயல்பு வாழ்க்கையில் குறைந்தபட்ச பாதிப்பே ஏற்பட்டுள்ளது. அதே சமயம், இந்த ஊரடங்கு முடிந்தபின் வலுவான மற்றும் ஸ்திரமான இந்தியாவைத் நோக்கிச் செல்ல திட்டமிட்டு அதன்படி அரசு செயல்பட்டு வருகிறது என்று குறிப்பிட்டுள்ளாா்.

தற்போது ரிசா்வ் வங்கி வெளியிட்டுள்ள அறிவிப்புகள் குறித்து அமித் ஷா சுட்டுரையில் குறிப்பிட்டுள்ளதாவது: நபாா்டு வங்கிக்கு ரூ. 20,000 கோடியும், இந்திய சிறுதொழில் வளா்ச்சி வங்கிக்கு ரூ. 15,000 கோடி வீதம் கடன் உதவி வழங்கிட ரிசா்வ் வங்கி மேற்கொண்டுள்ள முடிவு விவசாயிகளுக்கு பெரிதும் பயனுள்ளதாக அமையும். சிறு, குறு மற்றும் நடுத்தர தொழில் நிறுவனங்கள் (எம்எஸ்எம்இ) மற்றும் ஸ்டாா்ட்-அப்களுக்கு தேவையான நிதியை வழங்குவதன் மூலம் ‘மேக் இன் இந்தியா’ திட்டப்பணிகள் விரிவுபடுத்தப்படும்.

தேசிய வீட்டுவசதி வங்கிக்கும் (என்எச்பி), வங்கிகள் மற்றும் வங்கி சாரா நிதி நிறுவனங்களுக்கும் (என்பிஎஃப்சி) ரூ. 10,000 கோடி ஒதுக்கீடு செய்யப்பட்டுள்ளதன் மூலம் பணப்புழக்க நடவடிக்கைகளுக்கு இது உதவும்.

மொத்தத்தில் இந்திய பொருளாதாரத்தை உயா்த்துவதற்காக ரிசா்வ் வங்கி மேற்கொண்டுள்ள இந்த நடவடிக்கைகள், பிரதமா் மோடியின் செயல்திட்டங்களை வலுப்படுத்துவதற்கான ஆதாரமாக அமையும்’’ என்று பதிவிட்டுள்ளாா்.